دراع PS5 أصلي ولا تقليد؟ إزاي تعرف
الدراعات التقليد كترت وبقت شبه الأصلي جدًا. دي الحاجات اللي بتفرق بينهم، وإزاي تفحص دراع DualSense مستعمل.
آخر تحديث
علامات الدراع الأصلي
- الزناد التكيفي: في الألعاب اللي بتدعمه، L2 وR2 بيقاوموا ضغطك بشكل واضح. أغلب التقليد مافيهوش ده.
- الاهتزاز الدقيق: اهتزاز ناعم ومتنوع حسب اللي بيحصل في اللعبة، مش رعشة واحدة قوية.
- بيتوصل بالجهاز بكابل USB-C ويشتغل على طول، والجهاز بيتعرّف عليه كدراع DualSense.
- الميكروفون والسماعة الصغيرة اللي في الدراع شغالين.
- التشطيب: الزراير ناعمة ومظبوطة، والطباعة واضحة، ومفيش فراغات بين أجزاء البلاستيك.
افحص الدراع المستعمل كده
- 01
Stick Drift
سيب الأنالوج من غير ما تلمسه. لو المؤشر أو الكاميرا بتتحرك لوحدها، فيه Drift.
- 02
الزراير والتاتشباد
جرّب كل زرار، والتاتشباد بالسحب والضغط.
- 03
الزناد والاهتزاز
جرّب L2 وR2 والاهتزاز في لعبة بتدعمهم.
- 04
البطارية والشحن
اشحنه بـUSB-C، واتأكد إن البطارية ماسكة ومش بتفصل بسرعة.
- 05
السماعة والميكروفون
وصّل سماعة في الدراع، وجرّب الميكروفون.
دراعات Joe Station
دراعات DualSense أصلية استخدام خفيف، وبتجرّب الأزرار والأنالوج والـStick Drift قبل ما تشتري.
أسئلة سريعة
- سعر دراع بلايستيشن 5 الأصلي كام؟
- دراع DualSense أصلي عند Joe Station بيبدأ من 3,000 جنيه، حسب اللون.
- الدراع التقليد بيشتغل على PS5؟
- بعضه بيشتغل، بس غالبًا من غير الزناد التكيفي والاهتزاز الدقيق، وجودته وعمره أقل.
- إزاي أعرف إن الدراع فيه Stick Drift؟
- سيب الأنالوج من غير ما تلمسه. لو المؤشر بيتحرك لوحده، يبقى فيه Drift.