PS5 Slim CD ولا Digital؟
الجهازين نفس الأداء ونفس الألعاب. الفرق الحقيقي في طريقة شرائك للألعاب، وده اللي يحدد تختار إيه.
آخر تحديث
الفرق باختصار
- PS5 Slim CD: فيه قارئ أقراص Ultra HD Blu-ray. بيشغّل ألعاب الأقراص والألعاب الرقمية وأفلام Blu-ray.
- PS5 Slim Digital: من غير قارئ أقراص. ألعابك كلها رقمية من PlayStation Store.
- الأداء والجرافيكس والمساحة (1TB) واحدة في الاتنين.
اختار الـCD لو…
- بتحب تشتري ألعاب مستعملة، أو تبدّل ألعاب مع صحابك.
- عايز تبيع اللعبة بعد ما تخلّصها وترجع جزء من تمنها.
- عندك ألعاب أقراص PS4 أو PS5 أصلًا.
- بتتفرج على أفلام Blu-ray.
اختار الـDigital لو…
- بتشتري ألعابك من PlayStation Store وبتستنى التخفيضات.
- عايز توفر في سعر الجهاز نفسه.
- مش فارق معاك تبيع ألعابك بعد ما تخلّصها.
ينفع أركّب قارئ أقراص للـDigital بعدين؟
أيوه. PS5 Slim Digital بيدعم قارئ الأقراص الرسمي من Sony اللي بيتباع لوحده، ومحتاج يتوصل بالإنترنت مرة علشان يتفعّل. بس لو متأكد إنك هتشغّل أقراص، الـCD من الأول أريح وغالبًا أوفر.
الفرق في السعر عندنا
الفرق بين النسختين عندنا النهاردة 1,000 جنيه، ونفس الباندل في الاتنين: دراعين DualSense أصليين، والكرتونة الأصلية بالسيريال المطابق، ووصلات HDMI وUSB-C والباور الأصلية، و16 لعبة.
أسئلة سريعة
- الـDigital بيشغّل نفس ألعاب الـCD؟
- أيوه، ألعاب PS5 موجودة رقمي على PlayStation Store. الفرق إنك مش هتقدر تشغّل نسخ الأقراص.
- الأداء مختلف بين PS5 Slim CD وDigital؟
- لا. نفس المعالج والجرافيكس والمساحة. الفرق في قارئ الأقراص بس.
- أنهي أحسن للألعاب المستعملة؟
- الـCD، لأن الألعاب المستعملة والتبديل بيكونوا بالأقراص.